عربيتى دوت كوم

كيفية تنظيف الردياتير


2017-04-28


كيفية تنظيف الردياتير


ماهو الردياتير ؟

(Radiator ) الردياتير ببساطة هوه مبادل حرارى (بينقل الحراره من من مائع ((سائل او غاز ) الى مائع تانى) وبيتم استخدامه فى محركات الاحتراق الداخلى زى محركات العربيات عشان التبريد , ويتم التبريد عن طريق تمرير مائع (ماء ) على جسم المحرك وبالتالى الميه بتسخن وبعدين نقل الحراره اللى اكتسبتها الميه الى الهواء الجوى عن طريق الفنات  (fins ) ومروحه.


لماذا يجب عليك تنظيف الردياتير؟

مع مرور الوقت تتراكم الرواسب فى دورة التبريد حتى مع استخدام الاضافات وموانع التجمد (الميه الخضرا ) مما قد يسبب تأكل فى مواسير و خراطيم نظام التبريد او قد يؤدى الى حدوث انسداد فى مسارات سائل التبريد الامر الذى يؤدى الى حدوث ارتفاع فى درجه حرارة المحرك (Engine Overheating )  لو عندك مشكلة فى حرارة المحرك وحاولت تحلها وجربت كل الادوات المتاحه يبقى دا وقت تنظيف الردياتير الخاص بك.

قبل التظيف !

اولا قم بتجفيف سائل التبريد الخاص بك وخلى بالك عشان سائل التبريد القديم بيبقى ملوث ولو انت حطيت اى اضافات فخلى بالك اكتر عشان السائل دا مسممفتاكد انك تفضى سائل التبريد فى جركن واكتب عليه انه دا سائل سائم وتخلص منه بصوره امنه فى الاماكن  الخاصة بالنفايات المشابهه.


كيفية تنظيف الردياتير؟

قبل البدء بعملية التظيف تأكد من تغطية جميع المكونات الاكترونيه او الكهربيه للسيارة لتجب ملامستها للماء المستخدم فى التظيف عشان نتجب اى ضرار للمكونات ممكن تستخدم غطاء بلاستك عشان تغطى التوصيلات الكهربيه واتاكد ان الغطا متثبت كويس عشان مايتحركش


أولاً تنظيف الرديايتر

تأكد من نزع جميع الخراطيم الموصوله بجسم الردياتير خراطيم الدخول والخروج للسائل غالبا الدخول بيبقى من الفتحه العليا والخروج من تحت.

ثبت خرطوم المياه فى فتحه الدخول وتاكد من احكام الثثبيت عن طريق اى كلبسات وافتح الميه تدريجيا هتلاقى الميه بتنزل من فتحه الخروج من اسفل ولاحظ لون المياه الخارجه من فتحة  الخروج ممكن تستخدم جردل عشان تجمع الميه وتلاححظ لونها و الشوائب لو بعد فتره اللون بقى كويس والميه صافيه يبقى كدا تمام لو لسه لونها ماتغيرش و الرواسب زى ماهيه يبقى هنغير طريقة التنظيف لاحظ ان غطا الضغط متركب عشان يبقى ضغط سريان سائل التظيف عالى نسبيا.

Flush

Reverse Flush عكس اتجاه السريان .

ببساطة اعكس اتجاه سريان سائل التنظيف يعنى وصل الخرطوم بتاع الميه فى فتحة الخروج للردياتير الطريق هتساعد فى ازالة الشوائب العالقه فى نظام التبريد بس ممكن تحتاج  انك تفك الرديايتر و تطلعه بره لوحده او ممكن ماتحتجش خالص وبرده راقب لون الميه الخارجه من الرديايتر عشان تشوف مدى فاعليه عملية التظيف.

.

Cleanin Radiator Finsتنظيف فنات الردياتير

يتم تنظيف فنات الرديايتر باستخدام فرشه نايلون مش سلك ويتم التظيف برفق عشان ماتكسرش الفنات ممكن تستخدم اى منظف شحوم لو لاقيت بقايا شحم او زيت على الفنات الهدف من التظيف هو التاكد من ان مسارات الهواء خاليه من اى شوائب او ععوائق.


تنظيف مسارات المياه داخل المحرك  Flushing Engine Block

ببساطة فك الثرموستات او الكوعه وحط خرطوم الميه فى مكانها (اتاكد من طريقة تثبيت الكوعه عشان تعرف تركبها ) وابتدى برده افتح الميه وراقب برده لون و قوام الميه الخارجه من دورة التبريد حوالين جسم المحرك.

بعد لما تتأكد انه كله تمام و ان نظام التبريد خلاص بقى نضيف وصل كل الخراطيم بتاعة الرديايتر واتكاد انها محكومه و ماتنساش تركب الكوعه واملا تانك التزويد بالميه وشغل المحرك وبعد ما يوصل لدرجة حرارة التشغيل افحص نظام التبريد واتاكد ان مافيش اى تسريب فى النظام وينصح طبعا بانك تزود اضافات سواء موانع تجمد او تكوين رواسب لان مية الحنفيه مع الوقت هتسبب تكون رواسب واللى ممكن تسد نظام التبريد ينصح برده بتغير مية التبريد كل سنتين على الاكتر.