عربيتى دوت كوم

أهم أسباب ضعف سحب السيارة وزيادة استهلاك البنزين وطرق معالجتها


2017-04-28



أهم أسباب ضعف سحب السيارة وزيادة استهلاك البنزين وطرق معالجتها

ن أهمّ الأمور التي يشعر بها سائق السيارة وتُعطيه الإحساس بمتعة القيادة هيَ قوّة سحب السيّارة وعزمها على الحركة بشكل يتواءم مع مختلف تضاريس الطريق، ولكن ماذا إن أحسسنا بضعف سحب السيّارة على خلاف ما كانَ منها في السابق؟ هُناك سبب معيّن دعا لهذا الضعف وساهم فيه، فللتخلّص من هذه المُشكلة علينا أن نقف على جُملة الأسباب التي تدعو لضعف سحب السيّارة وبالتالي نحلّها. أسباب ضعف سحب السيّارة.

أسباب ضعف سحب السيّارة

1 – فلتر الهواء .

 الهوا طبعا مؤثر جدا لو مسدود او مش نضيف بيأثر على العربية جدا و دة عن تجربة

 جرب تنضف فلتر الهوا بتاعك لو لسة جديد هتلاقى السحب اختلف و ياريت كل 20 الف تغيرة .. و تجيب واحد جديد .


2- بوابة الهوا او بوابة الثروتل

.لو مش نضيفة عتلاقى الموتور ميت مش ضعيف بس .. فكها كل فترة كدة و نضفها


 لانها هي المسؤله عن دخول الهواء الى غرفة الاحتراق ولو مفيش هواء صح انسي يكون فى حرق صح ؟


3 – البنزين .

شوف يا سيدى دورة البنزين لو مش نضيف فيها شوايب يعنى هتقلل من سحب العربية

حط من بنزين نضيفة بقى

 غير فلتر البنزين كل 25 الف كيلو

كل 3 شهور ابقى حط مرة اوكتان عشان تخش تنضف دورة البنزين و تخش على الرشاشات تنضفها و لو عربيتك بتاخد 92 حطلها برضة 95 كل 3 شهور مرة مع الاوكتان هتعمل معاك شغل فاجر و ربنا  و حاول كل فترة تفك التانك وتغسله عشان الشوائب.

4 – البوجيهات و سلوكها .

 البوجيهات مهمة جدا و الناس لما بتيجى تغير البوجيهات مش بتغير السلوك و لازم كل 25 الف كيلو تغير طقم البيجوهات


لان مع الوقت بتتكون طبقة كاربون كبيرة عليها وشراراتها ضعيفة و بالتالى السحب بيقل

وكمان ممكن العربية  ماتدورش معاك من اول مرة عشان البوجيهات ضعفت خلاص

وحاول كل فترة تفك البوجيهات و تشوف شكلها عشان هيه بتعرفك الاحتراق شكله ايه.


.5 – الفتيس .

 الفتيس طبعا مهم جدا فى نقطة السحب ..

لو الاسطوانة و الديسك متاكلين و بيجيبو اخرهم بيخلى سحب العربية يقل و كمان يخلى العربية تسخن فوق العادى و كمان هتحتاج تعزم ليها جامد لان الاسطوانة بتكون فضيت و بالتالى هتاكل بنزين زيادة

.
6 – الكاوتش .

الكاوتش علية عامل كبير جدا ..

لو الطبقة مشققة او متاكلة او عديت ال 35 – 40 الف كيلو بالكاوتش اللى معاك يبقى ياريت تغيرة احسن … لانة بيبقى كمان عرضة انة ينفجر او يفتل معاك فى اى لحظة و كمان هياكل بنزين و يقلل السحب

7 – حساس الشكمان .

● او اللى اسمة حساس الاكسجين دة لو بايظ او بيودع الحياة خليط الهوا و البنزين مش هيبقى بالنسبة المظبوطة و يقلل السحب

وتقريبا دا اغلب مشاكل العربيه (القاتل الصامت ) يقلل سحب وياخد ضعف استهلاك البنزين ..

8 – الرشاشات .


● ازاى ؟ لو فى رشاش تعبان .. هيعمل حاجة من الاثنين هيرمى بنزين زيادة عشان يولع مع الهوا و يتم الاحتراق و بالتالى العربية تاكل بنزين

او هيرمى بنزين اقل من المطلوب يقوم يسبب ضعف فى السحب  طب و الحل ؟

انك تعمل اختبار رشاشات كل 50 الف كيلو و دة بيبقى عن طريق جهاز بيختبر قوة الرشاشات

و بينضفها و هتلاقية فى اى مركز صيانة نضيف .. وممكن بنفسك وهنعمل فديو مخصوص للتنضيف 




أحدث السيارات المستعملة

2015
275,000 جنيه

2017-11-19

1982
30,000 جنيه

2017-11-14

2006
165,000 جنيه

2017-11-21

2009
175,000 جنيه

2017-11-22

2009
130,000 جنيه

2017-11-18

2011
76,000 جنيه

2017-11-18

2016
175,000 جنيه

2017-11-20

2017
525,000 جنيه

2017-11-20

2010
185,000 جنيه

2017-11-21

2006
105,000 جنيه

2017-11-20