الديفيل Devil

الديفيل Devil


2017-03-10


الديفيل  Devil


هـنتكلم النهاردة فى حاجة تقريباً 3/4 الشعب المصرى مركبها
الديفيل  Devilو هـى الديفيل  Devil

تـلاقى الواحد من دول مركبة و ماشى حارق على الغيار و مشغل انذرات جميع العربيات اللى فى الشارع

الديـفيل دة مش بيزود عدد حصـنة ذى مانت فاهم غير و مش بيفرق فى حاجة غـير صوت و بيكتم المكنة كمان
 عايز اداء يبقى تعدل شكمان كامل من اول الفرن لحد الديل

أولا الـ Devil بيـنقسم لـ 3 أنواع فى مصر

أول نوع المـصرى المعفن دة أبو 150 و 250 جـنية
 و دة تحسة حتة صاجة اصلا و هتلاقية بيلمع اوى و تحس ان النيكل بتاعة بيلمع و بينور و صوتة خشن و عالى اوى زيادة على اللزوم
 هو دة المصرى و بيقلل من العزم جامد

تـانى نـوع و هـو الصـينى
و دة بيعمل مـن أول 300 لـ 550 جـنية
 و دة أرحم من المصرى و صوتة مقبول نسبياً

تـالت نـوع الأصـلى
 و دة هتـلاقية فى محلات التـعديل النضيفة و المشهورة و مش هنقول أسامى عشان محدش يقول بتعملة دعاية و كلام فاضى
و دة سعـرة بيعدى الالـف
و صوتة صح بجد متناغم مع الـ RPM
و مش مزعج بس بيـبن تفاصيل المكنة و التفصيلة بتاعت الموتور
و بيعمل Crackss صح

و فى نـوع كـمان بس ملوش علاقة بالصينى و المصرى و الاصلى
فية ديفيلات دلوقتى بيجى معاها ريموت تقدر تتحكم فى صوتها
و توطي و تعلية او تقفل الصوت خالص
و دة تمنة هيعدى الـ 19000 جنية

ذى ماقولنا ان ميزتة صوت فقط
و طريقة تركيبة انك بتفك اخر علبة و تحط عـلبة الـ  Devil

شوية نـصايح بقى
كل عـربية بيبقى ليـها مقاس عشان الديفيل يـركب
حاول متلعبش فى المقاس دة و تجيب زية بظبط و لو جـبت اكـبر
ميكنش أكبر من 1.55 بوصة عن المقاس الاصلى بتاع العربية