عربيتى دوت كوم

نظام ال EVAP


2017-01-11


 نظام ال EVAP


و هو اختصار
ل Evaporative Emission System

دة نظام لذيذ جدا موجود فى العربيات ( الانجكشن ) وبعض عربيات الكابراتير الحديث


لما الخواجة اخترع ( الانجكشن ) قالك لازم نحافظ على البيئة من ريحة البنزين و الابخرة اللى بتطلع منة فا جالو واحد قالة ازاى يعنى ؟  رد الخواجة علية و قالة انت بعد لما حضرتك بتخش البنزينة و تحط بنزين فى التانك فى ابخرة بتطلع من البنزين دة و بتبقى متخزنة فى التانك
 مش فاهم 

مش لما بتجيب علبة كانز و تفتحها بتعمل صوت كدة مع صوت الصودا ؟
اهو دة الضغط اللى بيخرج اللى جواها كذلك التانك بيبقى فى ابخرة جواة و لو طلعت فى الهوا بتضر البيئة و من هنا قالك خلاص احنا ناخد الابخرة دى و ندخلها تتحرق مع البنزين فى السلندرات يتحرقو مع بعض و نخلص منهم ماشى ؟ - ماشى

و من هنا تبدأ المنظومة 

١-حساس لقياس الضغط جوة التانك ( ضغط البخار )

٢- ( فحامة ) ( علبة الكربون ) Storage Carbon Canister
٣- صمام كهربى لدخول البخار للفحامة Canister Purge Valve
٤٤- خراطيم توصل البخار من نقطة للتانية

بص يا معلم المنظومة دى بتبدأ تشتغل لما حساس الضغط بيحس ان فى ضغط دخل جوة التانك فا يقوم باعت اشارة للكومبيوتر يقوم الكومبيوتر يبعت اشارة للصمام اللى بيدخل البخار للفحامة عشان يفتح و بعد كدة يدخل البخار للفحامة ... و يستكنيص كدة و يكون جاهز عشان يولع ( يتحرق يعنى فى السلندرات ) يعنى الفحامة بتجهز بخار البنزين و بتنقية عشان يتحرق و هى دى وظيفة الفحامة و بعد كدة الكومبيوتر بيبعت اشارة للصمام اللى بيدخل البخار للمنفول عشان يدخل البخار على السلندرات و يتحرق و بكدة نكون استفادنا من البخار دة و وفرنا بنزين طب
مش فاهم برضة اية لزمتة يعنى 

● ال EVAP لزمته معانا فى العربيات ان يوفر البنزين و دة بيحصل لان بخار البنزين كدة كدة مشبع بالبنزين يعنى مثلا لو EVAP شغال والرشاش المفروض يرش نقطتين بنزين لا الكمبيوتر هيخليه يرش نقطه ونص وبكده يبقى وفر فى استهلاك البنزين .. ..


النظام دة مش بيشتغل على السلانسية او السرعة الخاملة اى عطل هيحصل فى منظومة ال EVAP هتلاقى لمبة ال Check Engine منورة
● استهلاك بنزين فوق العادى
● هيتسبب فى ظهور دخان اسود بسيط من الشكمان
● تأخير الدوارة
طب هلاقى واحد بيقولى اية الاعطال المحتملة للمنظومة دى
1 - ان فى صمام بايظ و فاتح علطول
2 - شرخ فى الفحامة او فى جسمها
3 - ان فى خرطوم من الخراطيم مسدود او مقطوع
4 - الضغط مقطوع او الفيشة فيها صدا