شوية نصايح مهمة و جديدة

شوية نصايح مهمة و جديدة


2017-01-11


شوية نصايح مهمة و جديدة


⚫ اهتم بظبط الزوايا و الترصيص لانة بيساعد علي توفير البنزين و الحفاظ علي الكاوتش من التأكل و بيحسن ثبات العربية و الطبيعي انك كل 8 شهور تروح تظبط زوايا و اتزان و لو بتمشي في طرق مكسرة كتير يوميا يبقي كل 4 شهور 

⚫ نضف بوابة الهوا في السنة 6 مرات لانها هتفرق في السحب جدا و هتساعد علي توفير البنزين 

⚫ افحص ضغط الهوا في الكاوتش مرة كل اسبوعين لان لو في فردة اقل من 3 فرد هتعمل رجة في العربية و عدم اتزان و عدم ثبات و كمان هتستهلك بنزين 

⚫ بلاش سرعة كتير و الاهم بلاش غرز كتير ناس كتير اوي الفترة دي عمالة تعمل حوادث بسبب الغرز و حوادث مش هينة و فية ناس مش بتطلع منها اعقل كدة و كفاية تهور 

⚫ لما تيجي ترجع بضهر عربيتك اتاكد ان مفيش اي طفل واقف وراك عشان فية اهمال كتير اليومين دول و اهالي مش بيفرق معاها عيالها علي الطرق 

⚫ الموبايل ثم الموبايل ثم الموبايل
بلاقي ناس بتعمل Edit لصور اقسم بالله و هي ماشية  و مش واخد بالة من الطريق اصلا الموبايل  بيعمل تشتيت جامد اوي و بينسيك المرايات و زوايا و ابعاد العربية لو حياتك و عربيتك مش فارقين معاك يبقي بلاش تعرض غيرك للخطر باستهتارك 

⚫ سير الكاتينة الكاوتش بيتغير كل 50 - 60 الف كيلو و الجنزير كل 120 - 140 الف كيلو

⚫ ربط علي العفشة كل 10 الاف كيلو و اهتم بتربيط البطاحات